Íslendingafélagið í Björgvin

Aðalfundarboð

Íslendingafélagið í Bergen boðar til aðalfundar þriðjudaginn 14. Maí 2013 kl.19:30.

Fundurinn verður haldinn í Sandviken Menighetshus, Sandviksveien 41. (Þar sem 17 júní hátíðin hefur farið fram síðustu ár)

Dagskrá fundarins:
1. Ársskýrsla stjórnar
2. Reikningar félagsins
3. Framkvæmd 17. júní
4. Kjör stjórnar
5. Önnur mál

Vonumst eftir að sjá sem flesta, og óskum sérstaklega eftir fólki sem hefur áhuga á að starfa í stjórn félagsins.

Stjórnin

Þriðjudaginn 21 maí 2013 veður haldið málþing í sambandi við opnun veforðabókarinnar ISLEX.NO í nýja „Litteraturhuset“ í Bergen, Olav H. Hauge salnum. Málþingið  byrjar kl. 10:00 og stendur til kl. 13:00 (sjá dagskrá)

ISLEX opning2

Opinber opnun veforðabókarinnar verður síðan haldin á sama stað kl. 16:00- 18:00 og mun fyrrverandi forseti Íslands Vigdís Finnbogadóttir sjá um opnunina

Allir velkomnir, enn vinsamlegast skráið ykkur með því að senda e póst fyrir 14 maí á margunn.rauset@lle.uib.no

Djúpið verður frumsýnd 12 apríl.

Fiskibátur heldur á haf út fyrir dögun á köldum vetrarmorgni, mannaður fámennri áhöfn, sem ýmist fleygir sér í koju eða heldur sér vakandi á kaffi og sígarettum. Kvikmyndin Djúpið er eftir Baltasar Kormák og er lauslega byggð á samnefndu leikverki Jóns Atla Jónassonar, en það var aftur innblásið af þeim einstæða atburði, þegar Guðlaugur Friðþórsson náði að bjarga lífi sínu, einn áhafnarmeðlima, eftir að Hellisey VE503 hvolfdi seint að kvöldi sunnudagsins 11. mars árið 1984. Nokkrir komust á kjöl en það leið ekki langur tími áður en báturinn sökk. Veður var stillt, frost og stjörnubjart þessa nótt; sjórinn ískaldur. Þegar Guðlaugur bankaði örmagna upp á í húsi í jaðri byggðarinnar í Vestmannaeyjum í bítið morguninn eftir og tilkynnti um hvað gerst hefði um nóttina, kom í ljós hvílíka þolraun hann hafði gengið í gegnum. Ekki var nóg með að hann hefði horft á eftir félögum sínum, heldur synt á sex klukkustundum rúmlega fimm kílómetra leið í ísköldum sjónum og síðan gengið berfættur yfir úfið og oddhvasst hraun uns hann komst að fyrsta húsinu. Kvikmyndin Djúpið fjallar í aðra röndina um atburði þá sem gerðust þessa nótt, en hún gefur okkur einnig innsýn inn í líf íslenskra sjómanna í gegnum tíðina og hinar óblíðu aðstæður sem þeir og fjölskyldur þeirra hafa búið við í sjávarplássum um allt land við að draga björg í bú.

Bergen Kino kaupa miða.

Eftirfarandi gáfu vinninga í happadrættið á þorrablóti Íslendingafélagsins í Björgvin 2013

	2 gjafabréf með vildarpunktum
	Harðfisk, sælgæti, malt/appelsín
	Íslenska sendiráðið í oslo, Veitingar
	Gjafabréf á billökkun
	Gjafabréf á bíllökkun
	Bluetooth/Handsfree, Þvottasett
	Digital myndarammi, termokrús, tölvutaska
	Gjafasett

ISLEX er margmála orðabókarverk á vefnum með íslensku sem viðfangsmál og sænsku, norskt bókmál, nýnorsku og dönsku sem markmál. ISLEX er samstarfsverkefni fjögurra stofnana á Íslandi, í Svíþjóð, Noregi og Danmörku. Þær eru Stofnun Árna Magnússonar í íslenskum fræðum (SÁ) í Reykjavík, Det Danske Sprog- og Litteraturselskab í Kaupmannahöfn, Institutt for lingvistiske, litterære og estetiske studier við Háskólann í Bergen og Institutionen för svenska språket við Háskólann í Gautaborg. Íslenska ritstjórnin ber ábyrgð á viðfangsmálinu og mótun og þróun gagnagrunnsins fyrir ISLEX. Vinna við markmálin er í umsjón og á ábyrgð ritstjórna í hverju landi fyrir sig. Fróðskaparsetur Føroya varð aðili að samstarfinu árið 2011 og stefnt er að því að opna íslensk-færeyska orðabók á árinu 2013.

http://islex.hi.is/

Það er allt að smella saman fyrir þorrablótið, skemmtilegt fólk búið að skrá sig, hljómsveitin að setja sig í gírinn,  maturinn er pantaður, við eigum nokkra miða lausa svo ef einhver á eftir að skrá sig, enn heldur að það sé of seint,  núna er tækifærið. Eigum nokkra miða eftir áður enn fyllist í matinn. Hafið endilega samband í e pósti katrin@isbjorg.com

Góða helgi

Kveðja, Stjórnin

Laugardaginn 9 febrúar 2013

Það stefnir í góða mætingu enn við viljum gjarnan gefa fleiri félögum og gestum tækifæri á að skrá sig, og lengjum frestinn til þriðjudags 29 janúar 2013

Við höldum þorrablót í Fensalen, Kong Oscarsgt. 15. Húsið opnar kl. 18:30 og borðhald hefst kl. 19:30. Dagskrá er með hefðbundnu sniði, og þorramaturinn er að sjálfsögðu á sínum stað.  Í ár höfum við fengið hljómsveit að heiman til að skemmta okkur og halda uppi fjörinu með okkur.

Hunang er einhver besta alhliða poppsveitin í bransanum í dag. Þessir piltar geta bókstaflega skemmt öllum – mikil breidd í tónlistinni og valin maður í hverju rúmi. (promo)

Veislustjóri: Karl Örvarsson

Skráning er hafin á netfang: katrin@isbjorg.com eða isbjorg@isbjorg.com

Miðaverð er: fyrir félagsmenn kr. 450,- (hjón kr. 800,-) enn kr. 600,- fyrir aðra (hjón 1.100,-) matur og ball. Einnig er innifalið í miðaverðinu „ávísun“ á tvö glös af drykk með matnum. Eins og áður hefur komið fram er leyfilegt að taka með sér eigin veigar. Það er takmarkaður sætafjöldi í matinn, og eru félagsmenn og gestir hvattir til að skrá sig sem fyrst.  Í ár ætlum við að opna húsið eftir matinn fyrir gesti kl. 22:30, Þeir sem óska eftir að koma þá þurfa líka að skrá sig, því heildarfjöldi er líka takmarkaður. Verð fyrir ballið er kr. 250,-  Frestur til að skrá sig er 29 janúar, vinsamlegast greiðið fyrir miðana gegnum netbanka á reikning nr. 0532-16-58913 og takið fram nafn og að greiðslan er v/þorrablóts.

Hlökkum til að sjá sem flesta

Munið félagsgjöldin fyrir 2013 Einstaklingar kr. 200,- Fjölskyldur með börn upp að 18 ára, kr. 350,-  Greiðist einnig inná reikningsnr. hér að ofan

Kveðja, stjórnin

Styrktaraðili